Recept voor Zeeuwse Mosselen
Controleer of de mosselschelpen dicht zijn of bij aanraking dicht gaan.
Verwijder de open schelpen.
Wrijf de schelpen stuk voor stuk tussen duim en wijsvinger om te controleren of er slikmosselen bij zijn. Een goede mossel verliest alleen wat helder zeewater bij deze handeling.
Doe de mosselen in een emmer of teil met zoet water en maak de schelpen schoon. Herhaal dit tot het water helder blijft.
Zet de mosselen op in een overmaatse pan met gesneden ui, peterselie en selderij. Kook ze naar keuze in bier of witte wijn. Voor liefhebbers van een pittige mossel goed peper en zout en eventueel mosselkruiden toevoegen. Liefhebbers van een zoete mossel kunnen wortelen toevoegen.
Kook de mosselen tot de schelpen open zijn.
Presenteer ze in de schelp in het het kooknat. Heerlijk met frites en/of stokbrood.
Recept vò Zeêuwse bolussen
Vò de mensen die thuus graog een bitje in d'r keuken bakken en koken 'ebbe me 'ier op de pagina een leuk receptje stae om 's te proberen thuus. Je begriept wè dat dat nie 't officiële recept van den Echten Bakker Piet Daane is. Me bin wè goed mè nie gek é. |
Werkwijze
Zeêf de bloem boven een schael en doe daer een bitje zout bie. Verwaerm de melk toet dat 'n lauwwaerm is.
Los de gist mee de beuter op in een bitje van die lauwe melk. Maek noe een kuultje in de bloem en doe daer de gistoplossing bie die of je net gemaekt 'eit.
Klop noe 't ei los en doe dat bie de gistoplossing in 't zelfde kuultje. Giet noe bitje vò bitje 't leste van de lauwe melk bie de bloemen gae noe aolles vanuut 't midden kneeë toet een lekker soepel deêg.
Laet het deêgje afgedekt mee een natte doek 1 ure riezen op een waerme plekke. Ondertussen dat 't deêg an 't riezen is moe je avast de bruune basterdsuuker en de kaneel deur mekaore menge.
Als 't deêg klaer is mee riezen doe je 't nog een kere goed knee. Weeg dan aol kleine deêgstikjes af van 60 grammen per stik. Laet deze deêgstikjes 15 minuten leggen onder een plastic zak of zeil 't is net wat of je in huus eit.
Nae 't riezen moe je de deêgstikjes een bitje in de suuker rollen en wì laeten riezen vò 15 minuten. Noe kan je ze gaen uitrollen in de suuker toet lange dinne enden en op je vienger oprollen as een drol.
T is eel makkelijk, pak een ende deêg tussen je duum en je wiesvienger en draoi dat ende deêg in 2 keren rond je viengers. Als 't nie gaet dan moe je 't maer 's op 't aanrecht doe, misschien dat da beter gaet.
Lei de bolussen op een bebeuterde of mee bakpapier bekleêde bakplaete mee 't uuteinde van de bolus onder de bolus geleit. Laet de bolussen nog een half ure riezen onder een plastic zeil.
Verwaerm noe de 'n oven avast vò op 250 graaien Celcius. Bak de bolussen in een minuut of tiene gaor en bruun.
Nae 't bakken de bolussen gliek ondraoie maer pas op je viengers want die suukerstroop is vee waerm. Laet ze noe afkoelen maer nie droôge worre.
